2026 წლის ივნისიდან საქართველოში რამდენიმე ახალი რეგულაცია ამოქმედდება. ცვლილებები ეხება საჯარო სივრცეში სიტყვის გამოხატვას, სამძღოლო მოწმობის გამოცდებს, სერვისებს სადაზღვევო სფეროში და ტურისტულ სექტორს.

საჯარო სივრცეში განცხადებების მონიტორინგი

1 ივნისიდან საჯარო სივრცეში შეურაცხმყოფელი და ღირსების შემლახველი განცხადებების მონიტორინგი და სამართლებრივი რეაგირება დაიწყება. ეს ფუნქცია შინაგან საქმეთა სამინისტროს ადამიანის უფლებათა დაცვის დეპარტამენტს დაეკისრა. დეპარტამენტი ასევე რეაგირებს საჯარო ძალადობისა და სიძულვილის წახალისების ნიშნებზე.

მართვის მოწმობის გამოცდის ახალი წესები

15 ივნისიდან B და B1 კატეგორიის თეორიულ გამოცდაზე 30-კითხვიანი ტესტიდან 25 სწორი პასუხი კმარა — ადრე 27 სწორი პასუხი იყო სავალდებულო. გამოცდის ვადა 30 წუთია.

პრაქტიკულ გამოცდაზეც ცვლილებებია: გამომცდელს ახლა შეუძლია კანდიდატს შეცდომის გამოსასწორებლად დამატებითი შანსი მისცეს. მსუბუქი შეცდომების დასაშვები ზღვარიც გაიზარდა — 12-დან 15-მდე.