26 მაისს, საქართველოს დამოუკიდებლობის 35-ე წლისთავს, ოპოზიციის ალიანსის ორთვიანი „ეროვნული მობილიზაციის კამპანიის” კულმინაციური მარში გაიმართა. 20:00 საათზე სვლა სახელმწიფო უნივერსიტეტის პირველი კორპუსიდან დაიწყო და პარლამენტის წინ, რუსთაველის გამზირზე დასრულდა.

ტექნიკის კონფისკაცია და გაუთვალისწინებელი სიახლე

ოპოზიციამ მარშის წინ განაცხადა, რომ ქალაქის ხელისუფლებამ და შინაგან საქმეთა სამინისტრომ სცენისა და ხმის გაძლიერების მოწყობილობის განთავსებაზე უარი უთხრეს. პოლიციამ ხმის აპარატურის მატარებელი მანქანა ადრე ჩამოართვა.

20:00 საათზე კი, მელიქიშვილის გამზირზე მარშის დასაწყისშივე, ხმის მოწყობილობებით დატვირთული მანქანა მოულოდნელად ჩაერია სვლაში — მონაწილეებმა ოვაციებით შეხვდნენ.

მარშის დასრულების შემდეგ ოპოზიციის ლიდერებმა შეკრებილებს სიტყვით მიმართეს და ახალი კამპანია „საქართველო უკეთესს იმსახურებს” გამოაცხადეს.

პოლიციის „საჩუქარი” მძღოლს

მარშის შემდეგ პოლიციამ ხელახლა გააჩერა ავტომობილი, რომლითაც სცენური ტექნიკა ჩამოიტანეს. მძღოლს ერთი წლით ჩამოართვეს მართვის მოწმობა და 1 000 ლარი დაახდევინეს. ოპოზიციის ალიანსმა მძღოლის მხარდასაჭერად თანხების შეგროვება დაიწყო და განმარტა, რომ ეს მანქანა მის „ერთადერთ საარსებო წყაროს” წარმოადგენდა.