2025 წლის 4 ოქტომბრის ათონელის სასახლესთან განვითარებულ მოვლენებზე ბრალდებულ რვა პირს საპროცესო შეთანხმებები გაუფორმდა. მათგან შვიდი სასამართლოს დარბაზიდანვე გათავისუფლდა, ხოლო მერვე ბრალდებული, ევა შაშიაშვილი, ჯანმრთელობის პრობლემების გამო შვიდი თვით ადრე, გირაოთი, გაათავისუფლეს.

გათავისუფლებული პირებია: ალექსანდრე გოგოლაძე, სულხან აბრალავა, გოჩა კატაშვილი, დავით ღურწკაია, ჯანდრი თირქია, რამაზ ჯორბენაძე და გენადი კელიხაშვილი. ყველა ბრალდებულმა, მათ შორის ევა შაშიაშვილმა, დანაშაული აღიარა და სინანული გამოთქვა — ეს გახდა საპროცესო შეთანხმებების გაფორმების საფუძველი.

ბრალდებულებს ედებოდათ ბრალი ჯგუფური ძალადობაში მონაწილეობასა და სტრატეგიული შენობების ხელში ჩაგდების მცდელობაში. შეთანხმების პირობებით, მათ სამი წლის პირობითი სასჯელი შეეფარდათ.