ლოს-ანჯელესში Hermès-ის კრეატიულმა დირექტორმა ნადეჟ ვანემ ახალი კოლექცია წარადგინა — ქართველი მოდელი ნასტასია ლეგრან-ბაბლუანიც მონაწილეობდა.

ნასტასიას სამოდელო კარიერა ერთი წლის წინ, პარიზში დაიწყო: სამოდელო სააგენტო Women-ის წარმომადგენელმა ის ქუჩაში შემთხვევით შეამჩნია. პარიზში დაბადებული ახალგაზრდა ჯერ ბაკალავრიატი დაასრულა და ლიცეუმი გაათავა, შემდეგ კი — სამი წლის შემდეგ — სააგენტოს დაუბრუნდა და კონტრაქტი გააფორმა.

ამის შემდეგ კარიერა სწრაფად განვითარდა. ნასტასია გამოჩნდა WWD, POP Magazine, Harper’s Bazaar, Vogue Italia-სა და სხვა წამყვანი ჟურნალების ყდებზე. მოდის კვირეულებში პარიზში, ნიუ-იორკსა და მილანში იასპარეზა და თანამშრომლობა შემდეგ სახლებთან განახორციელა: Louis Vuitton, Chanel (5 ჩვენება), Valentino (მაღალი მოდის ჩვენების დახურვა), Alaïa, Ralph Lauren, Fendi, Jacquemus (ვერსალში), Schiaparelli. Chanel-ის ექსკლუზიურ საკრუიზო ჩვენებებში — კომოს ტბაზე, ვილა დ’ესტეში და სინგაპურში — ბელა ჰადიდის, ნატალია ვოდიანოვასა და კენდალ ჯენერის გვერდით პოდიუმზე გამოვიდა.

ნასტასია კინორეჟისორ თემურ ბაბლუანის ოჯახიდანაა — მისი შვილიშვილია. ის რეჟისორის უფროსი შვილის, ოლგა ბაბლუანის ქალიშვილია. ოლგა ბაბლუანმა ბავშვებზე ინტერვიუში თქვა: „ნასტასია მოდელია — პარიზში აღმოაჩინეს და მას შემდეგ ძალიან მნიშვნელოვნად მუშაობს. მინდა, დაცული, ლაღი და ბედნიერი იყოს.”