ნანუკა ჟორჟოლიანის ქალიშვილი, მარიამ გეგუჩაძე, სოციალურ ქსელში დედის წერილს აქვეყნებს, რომელიც ამ უკანასკნელმა მცხეთის იზოლატორის მეოთხე საკნიდან გამოგზავნა.

ჟორჟოლიანი წერილში მოსამართლე დავით მაკარაძეს მიმართავს: „არ გამოგივიდათ! მე ძალიან კარგად ვარ, იმაზე კარგად, ვიდრე წარმოგიდგენიათ. ამ რაუნდი თქვენ წააგეთ.”

ის ციხეში გატარებულ დღეებს ხმამაღლა და ირონიით ახასიათებს — „ქოცებო, სასტიკად ბანძები ხართ” — და ამბობს, რომ სოლიდარობა კედლებშიც შემოაღწია: „გილოცავთ ქოცებო, თქვენ მოიგეთ დასვენებული ნანუკა, ახალი ენერგიით!”

წერილში ჟორჟოლიანი 2018 წლის ინდოეთის მოგზაურობასაც იხსენებს — მაშინ კლინიკური დეპრესიის გამო იმყოფებოდა სამკურნალოდ, სადაც პაციენტს „კომფორტის ზონიდან გამოყავდნენ”. ციხის გამოცდილება, მისი თქმით, ამ ასკეტურ გარემოს ახლობელია — „არაფერი ჩემს თავს ისეთი არ ხდება, რაც ჩვენს თანამებრძოლებს უკვე არ გაუვლია.”

პატივად მიიჩნევს, რომ სწორედ მაშინ დააკავეს, როცა სტუდენტი გოგოები ლექციებიდან გამოიყვანეს: „ჩემთვის პატივია, რომ მათ საქართველოს და მათ ბრძოლის ველს წარმოვადგენ.”

გმადლობს მზია ამაღლობელს, ელენეს, ყველა სინდისის პატიმარს, 4 ოქტომბრის პატიმრებს, გათავისუფლებულ პოლიტიკოსებს — და ასევე „მე-3 პრეზიდენტს, მიხეილ სააკაშვილს.” წერილი ასე სრულდება: „მარიამ, საბა, ძალიან მიყვარხართ!”