ტელეწამყვანი ნანუკა ჟორჟოლიანი სოციალურ ქსელში ეხმიანება ნიკა მელიას წერილს მიხეილ სააკაშვილზე. იგი კითხვით იწყებს: „უკრაინაში დატოვო კარგი ცხოვრება, გავლენები, ჩამოხვიდე თბილისში და ჩაჯდე ივანიშვილის ციხეში მხოლოდ იმიტომ, რომ იეჭვიანე?”

ჟორჟოლიანი წერს, რომ ეს ვერსია სააკაშვილის ხასიათის მცოდნეს სულაც არ მოეჩვენება აბსურდულად. „მიშას პარტია მანამდე ასჯერ ააჯახეს — და ეგ პარტია თვითონ მიშაა.”

ის იხსენებს დაპატიმრების შემდეგ მომხდარს: „მომწერა, რომ აქციების ორგანიზებაში ჩავრთულიყავი. პარტიის რესურსი დამჭირდა — ადამიანური და ფინანსური. პარტიის მაშინდელმა ლიდერებმა მითხრეს, რომ მათი იმედი არ უნდა მქონოდა. „მე ვუთხარი, არ ჩამოსულიყო” — ეს იყო პასუხი. და თუ ვინმეს მართავდა ეგო, სწორედ ის ადამიანი, ვინც ეს მიპასუხა, მიშას აქციების ორგანიზებაში დამხმარებოდა.”

ჟორჟოლიანი წერს, რომ მიშას პატიმრობის პერიოდში ამ თემაზე „დიდი ომები და გარჩევები” ჰქონდა — ყვიროდნენ ორივე მხრიდან. „პარტიის აქტივი ვითხოვე აქციაზე და ჩატში ჩაიწერა, რომ არავინ დამხმარებოდა. ვინც დამეხმარა, მალე მოხსნეს იმ პოზიციიდან.”

პოსტი სიფრთხილის კვალდაკვალ სრულდება: „მეტი დეტალის მოყოლა შემიძლია, მაგრამ კაცს კი არა, ქალსაც არ უხდება ჭორაობა. თან, როცა ადამიანი ივანიშვილის ტყვეა, მეტი მოფრთხილება სჭირდება.”

ბოლოს ჟორჟოლიანი მოუწოდებს: „თავისუფლება მიშას! თავისუფლება ყველა პოლიტიკურ პატიმარს! თავისუფლება სინდისის პატიმრებს.”