ტელეწამყვანმა ნანიკო ხაზარაძემ სოციალურ ქსელში ვიდეომიმართვა გამოაქვეყნა, სადაც აცხადებს, რომ ტელეკომპანია „იმედთან” თანამშრომლობა შეწყვეტილია. ამასთანავე, „გლობალსელთანაც” თანამშრომლობა დასრულდა.

„ძალიან გთხოვთ, არც დამირეკოთ, არც მომწეროთ — ამაზე მეტს ჩემგან ვერ გაიგებთ. ყველაფერი კარგადაა, ცხოვრება გრძელდება” — ნათქვამია მის ვიდეომიმართვაში.

ნანიკო ხაზარაძე ტელეიმედში ჯერ კიდევ წინა, ნაციონალური მოძრაობის ხელისუფლების პერიოდში დასაქმდა. მაშინაც და ახლაც არხი პროსახელისუფლებო პოლიტიკას ატარებს.

„იმედი” ბრიტანული სანქციის ქვეშ

2026 წლის 24 თებერვალს, რუსეთის მიერ უკრაინაში სრულმასშტაბიანი შეჭრის სამი წლის გასვლაზე, დიდმა ბრიტანეთმა „იმედი” და „პოსტ ტვ” სანქციების ქვეშ მოაქცია. სანქციის საფუძვლად დასახელდა, რომ ეს არხები „განზრახ ავრცელებენ შეცდომაში შემყვან ინფორმაციას რუსეთის მიერ უკრაინაში სრულმასშტაბიანი შეჭრის შესახებ”.

სანქციების შემდეგ არხში ხელფასებს ნაღდი ფულის სახით — კონვერტებით — გასცემენ.

27 მარტს BBC Studios-მა „იმედს” „ცეკვავენ ვარსკვლავების” ფორმატის ლიცენზია შეუწყვიტა. 13 მაისს კი ევროპარლამენტმა „იმედს” ერთი წლით საქმიანობა აუკრძალა. ამ გადაწყვეტილებამ ფართო გამოხმაურება გამოიწვია.