მკვლელობა 22 მაისს, გუშინ, თბილისში მოხდა. წერეთლის გამზირზე სამშენებლო ობიექტზე ანაზღაურების გაყოფის გამო კონფლიქტი გაჩნდა, რომელიც ფიზიკურ შეტაკებაში გადაიზარდა — ერთ-ერთ მუშას გულ-მკერდის არეში ცივი იარაღით სასიკვდილო ჭრილობა მიაყენეს. ის სისხლისგან დაიცალა.

ambebi.ge-სათვის ცნობილი გახდა მოკლულის ვინაობა: 1979 წელს დაბადებული, 47 წლის თამაზ ნაკაშიძე.

თბილისის პოლიციის დეპარტამენტის ინფორმაციით, ჩატარებული ოპერატიული ღონისძიებებისა და საგამოძიებო მოქმედებების შედეგად ბრალდებული ცხელ კვალზე დააკავეს. „გამოძიებით დადგინდა, რომ ბრალდებულმა ურთიერთშელაპარაკებისა და ფიზიკური დაპირისპირების დროს ცივი იარაღის გამოყენებით მამაკაცს გულ-მკერდის არეში სასიკვდილო დაზიანება მიაყენა,” — ნათქვამია შსს-ს განცხადებაში.

გამოძიება სისხლის სამართლის კოდექსის 108-ე მუხლით — განზრახ მკვლელობა, 15 წლამდე თავისუფლების აღკვეთა — მიმდინარეობს.