ანტალიაში მიმდინარეობს მშვილდოსანთა ევროპის ჩემპიონატი ოლიმპიურ დისტანციაზე. საქართველოდან 9 მოისარი გამოდის: ოლიმპიურ დისციპლინაში სამ-სამი ქალი და ვაჟი, მძიმე მშვილდში — ორი ვაჟი და ერთი ქალი. 19 მაისს ჩატარდა საკვალიფიკაციო ეტაპი.

ოლიმპიური მშვილდი

ქალებში მედეა გვინჩიძემ 632 ქულა მოაგროვა — ეს 36-ე საერთო შედეგია. ციკო ფუტკარაძე 628 ქულით თანაბარქულიან აზერბაიჯანელ ფატიმა ჰუსეინლიზე დამატებითი მაჩვენებლებით გაუსწრო და მე-40 ადგილი დაიკავა. სალომე ხარშილაძის 596 ქულა 65-ე ადგილს შეესაბამება.

ვაჟებში ალექსანდრე მაჭავარიანმა 88 მონაწილეს შორის 23-ე ადგილი მოიპოვა — 658 ქულა. თემურ მაკიევმა 635 ქულა (57-ე), დავით ბასილაძემ კი 633 ქულა (60-ე) გამოიტანა.

გუნდურ კვალიფიკაციაში ორივე ქართული გუნდი მე-12 ადგილზე გავიდა. ვაჟებს ამისთვის გადასროლა დასჭირდათ — ჩვენებმა და მეტოქეებმა საკვალიფიკაციოში 1926 ქულა დააგროვეს, გადასროლაში კი ქართველებმა სძლიეს. ქალებმა 1856 ქულით უდავიდარაბოდ მე-12 ადგილი მოიპოვეს.

შერეულ დისციპლინაში გვინჩიძე-მაჭავარიანის წყვილმა 1290 ქულა დააგროვა — 30 წყვილს შორის მე-17 ადგილი.

მძიმე მშვილდი

ვაჟებში ჯაბა მოსეშვილი 667 ქულით (74-ე), აკაკი ლეკვეიშვილი 652 ქულით (77-ე). ქალებში თამთა ნავერიანი 640 ქულით 51-ე ადგილზეა. შერეულ დისციპლინაში მოსეშვილი-ნავერიანის წყვილს 1307 ქულა და 25-ე ადგილი აქვს. გუნდური პლეი-ოფისთვის ქართველები ვერ გავიდნენ.

პლეი-ოფის განრიგი

ოლიმპიური მშვილდი — ინდივიდუალური (20 მაისი, 2 სერია; 22 მაისი — გაგრძელება):

• მაჭავარიანი განთესილია, პირველ წრეში ისვენებს — მე-2 წრეში ბელგიელ გილსონსა და დანიელ ხრისტენსენს შორის გამარჯვებულს შეხვდება.
• ბასილაძე — მოლდოველი ბელიცის წინააღმდეგ; მაკიევი — შვედი ბიერენდალის.
• ქალები: ხარშილაძე — ბულგარელი ივანოვა; ფუტკარაძე — მოლდოველი ბერზანი; გვინჩიძე — ირლანდიელი ჰანლონი.

ოლიმპიური მშვილდი — გუნდური (20 მაისი — 1 სერია; 21 მაისი — გაგრძელება):

• ქართველი ქალები პირველ წრეში ისვენებენ, მე-2 წრეში საფრანგეთს შეხვდებიან.
• ვაჟები პირველ წრეში ირლანდიას დაუპირისპირდებიან — გამარჯვებულს მე-8 ფინალში გერმანია ელოდება.
• შერეული წყვილი 20 მაისს პოლონეთს შეხვდება.

მძიმე მშვილდი — ინდივიდუალური (20 მაისი, 2 სერია; 22 მაისი — გაგრძელება):

• ლეკვეიშვილი — ბელგიელი კოოლსი; მოსეშვილი — ნეიტრალური სტატუსის სინიაევი.
• ნავერიანი — ფრანგი ფლორენი.