კანის კინოფესტივალზე სკანდალი — „მის ვენესუელა 2025”, 29 წლის ანდრეა დელ ვალი, სასტუმრო ნომერში პირად სტილისტს ფიზიკური თავდასხმის ბრალს სდებს. ინფორმაციას New York Post ვენესუელური და მექსიკური მედიის ცნობებზე დაყრდნობით ავრცელებს.

მოდელმა სოციალურ ქსელში ვიდეო გამოაქვეყნა, სადაც სახეზე სისხლიანი ჭრილობები აქვს, ნომერი კი სრულიად დარბეულია. ვიდეოში ანდრეა პირდაპირ მიმართავს სტილისტს: „შეხედეთ, ეს ჯოვანი ლაგუნამ გააკეთა. გილოცავ, ჯოვანი — ზუსტად ეს მინდოდა, გეჩვენებინა, ვინ ხარ სინამდვილეში.”

სასტუმროს სტუმრებმა ნომრიდან ყვირილისა და ფიზიკური დაპირისპირების ხმა გაიგეს და სამართალდამცველები გამოიძახეს. ესპანელი ჟურნალისტ ხორდი მარტინის მიერ გავრცელებულ კადრებში ჩანს, როგორ გაჰყავს პოლიციას 33 წლის სტილისტი ჯოვანი ლაგუნა ბორკილებით.

ლაგუნა ლათინოამერიკულ შოუბიზნესსა და სილამაზის კონკურსების სფეროში კარგად ცნობილი ფიგურაა — 2023 წლიდან „მის სამყარო კოლუმბიის” კრეატიული დირექტორია.

ანდრეა დელ ვალს სამედიცინო დახმარება უკვე გაუწიეს, სიცოცხლეს საფრთხე არ ემუქრება. სტილისტი პატიმრობაშია; ჩხუბის ზუსტი მიზეზი და კონკრეტული ბრალდება ჯერ სახელდება არ.