სახელმწიფო მოხელეებზე ფინანსური წახალისება შეეხება მინისტრის, მერის, გუბერნატორისა და ავტონომიური რესპუბლიკების მინისტრების მოადგილეებს — „საჯარო დაწესებულებაში შრომის ანაზღაურების შესახებ” კანონის მე-20 მუხლი ამ ჩინოსნებს ამჟამად სახელფასო დანამატს კრძალავს.

ვინ და რის გამო

კანონპროექტის მიხედვით, ზემდგომი — მინისტრი, მერი ან გუბერნატორი — მოადგილეს ფულადი ჯილდო მისცემს, თუ ის შეასრულებს:

• ზეგანაკვეთურ სამუშაოს ან/და დამატებით ფუნქციებს;
• სამუშაოს ღამის საათებში, დასვენების ან უქმე დღეს;
• ჯანმრთელობისათვის სარისკო სამუშაო პირობებში.

ზღვარი

ერთჯერადი დანამატი 1 თვის ხელფასს ვერ გადააჭარბებს; წლიური ჯამი — წლიური ხელფასის 20%-ს.

კანონპროექტი დაჩქარებული წესით არ განიხილება, მაგრამ გამოქვეყნებისთანავე ამოქმედდება.