ახალქალაქის, კუმურდოსა და კარის მიტროპოლიტი ნიკოლოზ ფაჩუაშვილი საქართველოს ეკლესიის გაფართოებულ კრებაზე წასაკითხ მიმართვას ავრცელებს — ის სინოდს ითხოვს, „არ გადადოს” გარდაცვლილი კათოლიკოს-პატრიარქის ილია II-ის წმინდანად შერაცხვა.

„ძვირფასო მეუფენო, ქრისტეს მიერ საყვარელნო მამანო, დედანო, ძმანო და დანო, მოგმართავთ თხოვნით — არ გავდოთ ჩვენი პატრიარქის, უწმინდეს და უნეტარეს ილია II-ის, წმინდანად შერაცხვა,” — ნათქვამია მიმართვაში.

მეუფე ნიკოლოზი მიუთითებს, რომ მართლმადიდებელი ეკლესიის ისტორიაში არაერთი შემთხვევაა, სადაც კანონიზაცია გარდაცვალებისთანავე, ფორმალური წარდგინების გარეშეც მოხდა:

• ადრეული ეკლესიის მოწამეები
• ნიკოლოზ მირლიკიელი — კანონიზაციის ოფიციალური აქტი დღემდე არ მოიპოვება
• ანტონი დიდი — ათასობით ადამიანი სიცოცხლეშივე თაყვანს სცემდა
• საბა განწმენდილი — მოწაფეებმა გარდაცვალებისთანავე დაიწყეს ლიტურგიკული მოხსენიება
• სერაფიმე საროველი — ხალხური სიწმინდის გამოხატვა ათწლეულობით წინ უსწრებდა ოფიციალურ კანონიზაციას