ვანისა და ბაღდათის მიტროპოლიტმა, მეუფე ანტონ ბულუხიამ განაცხადა, რომ ეკლესიის პირველი სინოდი განიხილავს წამლის, შეწყალებებისა და პატიმრობების საკითხებს.

„პირველი სინოდი, როგორც კი შედგება, ყველა საკითხს დავაყენებთ — ბავშვის წამლის საკითხები, შეწყალებები, პატიმრობები. რა თქმა უნდა, განვიხილავთ,” — განაცხადა მეუფე ანტონმა „ტვ პირველთან” საუბრისას.

მღვდელმთავრის თქმით, სინოდის წევრები მობილიზებულები არიან თითოეული გამოწვევის სისტემური შესწავლისთვის. მათ შორის განსაკუთრებული ყურადღება დაეთმობა დიუშენის სინდრომის მქონე ბავშვების მედიკამენტებით უზრუნველყოფას და პატიმართა შეწყალებას.

დიუშენის კუნთოვანი დისტროფიით დაავადებული ბავშვების მშობლები კანცელარიასთან 27-ე ღამეს ათიანებენ. ისინი ითხოვენ იმ სამკურნალო პრეპარატების შემოტანას, რომლებმაც ამერიკის (FDA) და ევროპის (EMA) მარეგულირებლების მკაცრი სამედიცინო კონტროლი უკვე გაიარეს.

„ეს სინოდის გეგმაში ორგანულად დაიკავებს ადგილს. ეს პროცესი სხვა მღვდელმთავრების საერთო ნებასაც გამოხატავს,” — აღნიშნა მიტროპოლიტმა.

დიუშენის სინდრომის მქონე ბავშვების მხარდასაჭერ აქციაში ადრე ჩართული ეკლესიის მოღვაწეები იმედოვნებენ, რომ ახალი პატრიარქის — შიო III-ის — ხელმძღვანელობით მდგომარეობა გაუმჯობესდება.