მესტიის მუნიციპალიტეტში ჩატარებული ჩხრეკებისას ელექტროენერგიის უკანონო გამოყენების ახალ ფაქტებზე კიდევ 47 ე.წ. კრიპტომაინერი ნივთმტკიცებად ამოიღეს, შსს-ს ინფორმაციით.

გამოძიებით დგინდება, რომ ადგილობრივები ამ მოწყობილობებით სისტემატურად ახდენდნენ ციფრული ვალუტის გენერირებას და დიდი რაოდენობით ელექტროენერგიას მართლსაწინააღმდეგოდ ხარჯავდნენ. სამართალდამცველები ინტენსიური საგამოძიებო მოქმედებებს განაგრძობენ სხვა მონაწილე პირების გამოვლენის მიზნით.

გამოძიება მიმდინარეობს სსკ-ის 229-ე პრიმა მუხლის მე-2 ნაწილის „ბ” ქვეპუნქტით, რაც 3 წლამდე თავისუფლების აღკვეთას ითვალისწინებს.

4 ივნისს სვანეთში 6 სხვადასხვა ლოკაციაზე ჩატარებულ ადრინდელ ჩხრეკებში 148 კრიპტომაინერი ამოიღეს. ახალი ჩხრეკების შედეგად ამ რიცხვს კიდევ 47 ემატება.