შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტმა მესტიის მუნიციპალიტეტში საგამოძიებო მოქმედებების შედეგად დამატებით 42 კრიპტო-მაინინგის მოწყობილობა ნივთმტკიცებად ამოიღო.

სამინისტროს ინფორმაციით, გამოძიება ადგინებს, რომ ადგილობრივები ამ მოწყობილობებით ელექტრული ენერგიის მასიური, უკანონო მოხმარებით სისტემატურად ახდენდნენ ციფრული ვალუტის მოპოვებასა და უკანონო შემოსავლების მიღებას.

სამართალდამცველები ინტენსიურ რეჟიმში განაგრძობენ საგამოძიებო მოქმედებებს — მიზანია დანაშაულის სხვა მონაწილეების გამოვლენა.

გამოძიება მიმდინარეობს საქართველოს სისხლის სამართლის კოდექსის 229-ე პრიმა მუხლის მე-2 ნაწილის „ბ” ქვეპუნქტით, რომელიც 3 წლამდე ვადით თავისუფლების აღკვეთას ითვალისწინებს.