ანზორ მექვაბიშვილი რუმინეთის თასის მფლობელი გახდა. მისმა „უნივერსიტატეამ” (კრაიოვა) ფინალში კლუჟის „უნივერსიტატეა” პენალტების სერიაში 6:5 დაამარცხა — ძირითადი და დამატებითი დრო ფრით დასრულდა.

საქართველოს ნაკრების ნახევარმცველი 57-ე წუთიდან შემოვიდა. პენალტების სერიაში თავისი დარტყმა გაიტანა და გუნდის სათასო ტრიუმფს წილი დაიდო.

ეს მექვაბიშვილის პირველი რუმინული ტიტულია — და შეიძლება დუბლით დასრულდეს. 17 მაისს ორი „უნივერსიტატეა” ისევ შეხვდება ერთმანეთს, ამჯერად ჩემპიონატის ბოლოსწინა ტურში. ჩემპიონობის ბედიც ამ მატჩში შეიძლება გადაწყდეს.

ლევან შენგელიამ კი საგოლე პასი შეასრულა ძალიან უცნაურ მატჩში „ლევადიაკოსთან”, სადაც კონფერენსლიგაზე გასვლა იყო დამოკიდებული. ქართველის გუნდი OFI კრეტა 37-ე წუთისთვის სტუმრად 2:0-ს უგებდა, დამატებით დროში კი კიდევ სამი გოლი შეუშვა — 3:2 საბოლოო ანგარიშით დამარცხდა.