მასაჩუსეტსში 35 წლის ყოფილი მედი, ლინდსი კლენსი, სამი მცირეწლოვანი შვილის მკვლელობის ბრალდებით სასამართლოს წინაშე წარდგება. პროკურატურა ახლადმოპოვებულ მტკიცებულებებზე დაყრდნობით ამტკიცებს, რომ მკვლელობები განზრახ და განსაკუთრებული სისასტიკით იყო ჩადენილი.

2023 წლის 24 იანვარს კლენსიმ სამი შვილი — 5-წლის კორა, 3-წლის დოუსონი და 8-თვის კალანი — სავარჯიშო ელასტიური ზოლებით მოკლა. გამოძიების ვერსიით, ის ბავშვებს ზოლები კისერზე საკუთარი ხელით მოუჭირა.

დაცვა ფაქტს ფართოდ არ უარყოფს, თუმცა ამბობს, რომ კლენსი მძიმე მშობიარობის შემდგომი ფსიქოზით იტანჯებოდა და ძლიერ მედიკამენტებს ღებულობდა. ადვოკატები სასამართლოს სთხოვენ, ფსიქიკური მდგომარეობის გამო კლენსი სისხლის სამართლებრივი პასუხისმგებლობისგან გაათავისუფლოს.

ლინდსიმ და მისი მეუღლე პატრიკ კლენსიმ ამავდროულად სარჩელი შეიტანეს ქალის მკურნალ ექიმებს წინააღმდეგ, ამტკიცებენ, რომ მათ ვერ დაუსვეს სწორი დიაგნოზი და არასწორი მკურნალობა დაუნიშნეს, რამაც ფსიქიკური მდგომარეობა გააუარესა.

სასამართლო განხილვა ივლისში იგეგმება.