„ლივერპულის” და საქართველოს ნაკრების მეკარე გიორგი მამარდაშვილი უორინგტონის სასამართლომ 440 ფუნტ სტერლინგის ჯარიმას, 120 ფუნტ სასამართლო ხარჯებს და მართვის მოწმობაზე 6 საჯარიმო ქულას მიუსაჯა. 25 წლის ქართველ მეკარეს ბრალდება მართვის დროს მობილური ტელეფონის გამოყენებაში წარედგინა.

BBC-ის ცნობით, შემთხვევა 27 იანვარს მოხდა M6 ავტომაგისტრალის სამხრეთ მიმართულებაზე, დაახლოებით 15:45 საათზე. ჩეშირის პოლიციელმა სამჯიბოდ მოიყვანა, თუ როგორ შეამჩნია მამარდაშვილი:

„მესამე ზოლიდან გავცდი შავ AUDI-ს, რომელიც მეორე ზოლში მოძრაობდა. შევამჩნიე, რომ მძღოლს ხელში ტელეფონი ეჭირა საჭის ახლოს და ეკრანზე რაღაცას უყურებდა ავტომაგისტრალისთვის განკუთვნილი სიჩქარით გადაადგილებისას.”

მამარდაშვილმა პოლიციელს ქართული მართვის მოწმობა წარუდგინა. სასამართლოს სხდომაზე ბრალი არც აღიარა და არც უარყო — ვერდიქტი დაეყრდნო პოლიციის წერილობით მტკიცებულებებს.

სასამართლოს ოქმის თანახმად, ფეხბურთელს ასევე 176 ფუნტი სტერლინგის ოდენობის დაზარალებულის დანამატი ეკისრება.