ცნობილი იტალიელი სპორტული ჟურნალისტი ნიკოლო სკირა წერს: თუ ბრაზილიელი გოლკიპერი ალისონი „ლივერპულში” დარჩება, კლუბის კიდევ ერთი მეკარე, ქართველი გიორგი მამარდაშვილი, სავარაუდოდ, სხვა კლუბს იჯარით გადაეცემა.

სკირას ინფორმაციით, მამარდაშვილს უფრო მეტი სათამაშო დრო სჭირდება — მეორე მეკარის რეჟიმს ის არ გეგმავს.

ალისონის ბედი — ურთიერთგამომრიცხავი ვერსიები

ალისონის შემდეგ კარიერასთან დაკავშირებით ურთიერთსაწინააღმდეგო ცნობები ვრცელდება. ბრაზილიელ კიპერს „იუვენტუსს” უკავშირებენ — „ბებერ ქალბატონს” პირადად ლუჩიანო სპალეტი ინტერესდება.

მედიაში ასევე დაიწერა, რომ თუ „იუვენტუსს” ალისონი ვერ ჩაიყვანა, შესაძლოა მამარდაშვილის ტრანსფერი განიხილოს. ეს ვარიანტი ქართველ გოლკიპერს ძირითად პოზიციაზე სათამაშო პერსპექტივას მისცემდა.

მამარდაშვილი „ლივერპულს” 2023 წელს ვალენსიიდან 29 მილიონ ევროდ შეუძენია.