ავსტრიის ბუნდესლიგის საჩემპიონო ჯგუფის ბოლო, 32-ე ტურში „შტურმმა” სახლში „რაპიდი” 2:0-ით დაამარცხა. ქართველი ფეხბურთელი გიზო მამაგეიშვილი 62-ე წუთზე შემოვიდა მოედანზე და 88-ე წუთზე დაახლოებით 25 მეტრიდან ეფექტური გოლი გაიტანა. მეორე გოლი ჰირლენდერმა დაამატა (90+2).

„შტურმმა” ჩემპიონატი 37 ქულით მეორე ადგილზე დაასრულა — ჩემპიონთა ლიგაში საკვალიფიკაციო ეტაპიდან ჩაერთვება. ოქროს მედლები 51-წლიანი პაუზის შემდეგ „ლასკმა” მოიპოვა, რომელმაც ვენაში „აუსტრია” 3:0-ით დაამარცხა.

ქართველების შეფასებები:

• ოთარ კიტეიშვილი (შეუცვლელად ითამაშა) — Sofascore 7.6 / Flashscore 8.0
• გიზო მამაგეიშვილი — Sofascore 7.7 / Flashscore 7.4

კიტეიშვილს ამ სეზონში ყველა ტურნირზე 41 მატჩში 19 გოლი და 4 საგოლე გადაცემა აქვს — 15 გოლით ჩემპიონატის ბომბარდირი გახდა. მამაგეიშვილმა 13 შეხვედრაში 1 გოლი და 1 გადაცემა დააგროვა.