მალდივის კუნძულებზე „ზვიგენების გამოქვაბულში” ტრაგედია დატრიალდა: სამეცნიერო ექსპედიციის დროს 5 იტალიელი მყვინთავი დაიღუპა. მათ ცხედრები 50 მეტრის სიღრმეზე, გამოქვაბულის ყველაზე ღრმა ნაწილში აღმოაჩინეს.

დაღუპულებს შორის არიან გენუის უნივერსიტეტის ეკოლოგიის პროფესორი მონიკა მონტეფალკონე, მისი ქალიშვილი ჯორჯია, საზღვაო ბიოლოგი ფედერიკო გუალტიერი, მკვლევარი მიურიელ ოდენინო და გემის კაპიტანი/ინსტრუქტორი ჯანლუკა ბენედეტი. სამძებრო ოპერაციაში კი მალდიველი სამხედრო მყვინთავი დეკომპრესიული დაავადებით გარდაიცვალა — სულ 6 მსხვერპლი.

გამოძიება ითვალისწინებს სამ ძირითად ვერსიას: ცუდი ამინდი (ოპერაციის წინა დღეს ყვითელი გაფრთხილება მოქმედებდა), წესების დარღვევა (ნებართვა მხოლოდ 30 მეტრამდეა, ნაპოვნები 50 მეტრზე), და სამოყვარულო აღჭურვილობა ამ სიღრმისათვის. ამერიკელი გამოცდილი მყვინთავის შეფასებით, „ჩვეულებრივი კვლოტებით 50 მეტრის სიღრმეში ჩასვლა თავდანდებია”.