საფრანგეთის პრეზიდენტი ემანუელ მაკრონი 2022 წლის 26 თებერვლის შემდეგ პირველად ტელეფონით დაუკავშირდა ბელარუსის ლიდერ ალიაქსანდრ ლუკაშენკოს. საუბარი „ფრანგული მხარის ინიციატივით” შედგა.

ლუკაშენკოს პრესსამსახურის განცხადებით, მხარეებმა „რეგიონული საკითხები და ბელარუსის ურთიერთობები ევროკავშირთან და საფრანგეთთან” განიხილეს.

ორ ლიდერს შორის ბოლო საუბარი 2022 წლის 26 თებერვალს შედგა — უკრაინაში რუსეთის სრულმასშტაბიანი შეჭრიდან ორი დღის შემდეგ. მაშინ მაკრონმა სთხოვა ლუკაშენკოს, „უზრუნველყოს რუსული ჯარების გაყვანა თავისი ქვეყნიდან” და გააფრთხილა, რომ „ბელარუსმა არ უნდა გახდეს რუსეთის ფაქტობრივი თანამონაწილე უკრაინის წინააღმდეგ ომში”.