აშშ-ის, მეინის შტატის მოქალაქემ მცირეწლოვან შვილთან ერთად სეირნობისას ბუნებაში ულამაზესი მწერი შეამჩნია — მწვანედ მბზინავი ხოჭო, რომელიც სრულიად უწყინარი ჩანდა. ქალმა ის ხელში აიყვანა, რათა შვილთან ერთად დაეთვალიერებინათ. ეს გადაწყვეტილება კინაღამ ფატალური გამოდგა.

„ის იყო კენკრისფერ-მწვანე, ყველაზე ლამაზი ხოჭო, რაც ოდესმე მინახავს. უბრალოდ ავიყვანე და ვუთხარი: „ოჰ, შენ ძალიან ლამაზი ხარ”. რამდენიმე წამში მთელ სხეულში წვა ვიგრძენი,” — გაიხსენა 44 წლის ანტუანეტ ვებმა ფორტ ნოქსის სახელმწიფო პარკში მომხდარი შემთხვევა.

ანტუანეტამ მიხვდა, რომ ყოყმანის დრო არ ჰქონდა — ალერგიული სიმპტომები სწრაფად ვითარდებოდა. შვილებთან ერთად ის პარკის ადმინისტრაციის წარმომადგენელთან მიირბინა. „ფორტ ნოქსის” აღმასრულებელმა დირექტორმა, დინ მარტინმა პირველადი დახმარება გაუწია.

„ის იწვა, მე კი მისი ხელი მეჭირა, 9-1-1-ს ვესაუბრებოდი და ვამხნევებდი. მან გონება დაკარგა სასუნთქი გზების შევიწროების გამო — ჰაერი აღარ მიეწოდებოდა, ტუჩები ლურჯი ჰქონდა,” — განაცხადა მარტინმა.

ვებს გამონაყარი და ყელში სიმჭიდრე გაუჩნდა, სუნთქვა გაუძნელდა. სამი ჯერ დაეკარგა გონება.

მწერი, რომელიც ქალმა ხელში აიყვანა, 6-წერტილიანი ვეფხვისებური ხოჭო იყო. ექიმები განმარტავენ, რომ ეს სახეობა ჩვეულებრივ შხამიანი არ არის — თუმცა, მას ფეხებზე მარწუხები აქვს. ნებისმიერ მწერთან ან უცნობ მცენარესთან შეხება სიფრთხილეს მოითხოვს, რადგან გაზაფხულზე ალერგიული რეაქციები მატულობს — ხოლო გვიანი პირველადი დახმარება შეიძლება ფატალური გამოდგეს.