საქართველოს ნაკრების 28 წლის მცველი ლუკა ლოჩოშვილი „ნიურნბერგიდან“ „კიოლნში“ გადავიდა.

ბუნდესლიგის კლუბი საიტით ლოჩოშვილთან კონტრაქტის 2029 წლის ზაფხულამდე გაფორმებას იტყობინება.

„ნიურნბერგის“ მმართველი საბჭოს დირექტორმა ტომას კესლერმა განაცხადა, რომ ლოჩოშვილმა რამდენიმე წლის მანძილზე სხვადასხვა გუნდებში მდიდარი გამოცდილება მიიღო, იმ პროფილის ფეხბურთელია, რომელსაც ეძებდნენ, რამეთუ ინდივიდუალური უნარებით და ფიზიკური მონაცემებით გამორჩეულია, მეტადრე მეორე სართულზე თამაშით გუნდის დაცვას დამატებით სიმტკიცეს შესძენს და მათ იდეალურად შეეწყობა.

კომენტარი ლუკამ გააკეთა: „როგორც ფეხბურთელს მუდამ რაც შეიძლება უკეთ თამაში გინდა. ამიტომ ბედნიერი ვარ, რომ შემდგომი ნაბიჯი ბუნდესლიგისკენ გადავდგი. კლუბის ხელმძღვანელობასთან მოლაპარაკებები ძალიან პოზიტიური იყო და სწორი გადაწყვეტილების მიღებაში ჩემი დარწმუნება შეძლეს. მოუთმენლად ველოდები დიდ და ტრადიციულ გუნდში თამაშს, რომელსაც შესანიშნავი გულშემატკივრები ჰყავს“.