11 მაისს სამების ტაძრიდან გამოსულ ახლადარჩეულ პატრიარქ შიო III-ს ეზოში ათასობით მომლოცველი შეხვდა. მათ შორის გამოირჩა ერთი მოკრძალებული ქალბატონი — ბერი ანდრია გეწაძის გამოქვეყნებულ ვიდეოკადრებში ჩანს, თუ როგორ ეამბორება ის პატრიარქს მხარზე. ის ლელა მუჯირია — შიო III-ის ერთადერთი და.

სამ კანდიდატს შორის საზოგადოებამ ყველაზე ნაკლები იცოდა სწორედ შიო მუჯირის შესახებ. ბევრმა მხოლოდ დღეს გაიგო, რომ ახალ პატრიარქს ერთი და ჰყავს.

ლელა მუჯირი ხუთი შვილის დედაა. პროფესიით ფსიქოლოგია, ხშირად სტუმრობს სხვადასხვა სატელევიზიო გადაცემებს ამ სპეციალობით, მუშაობს ბავშვებთან. ძმაზე კი საჯაროდ არასოდეს უსაუბრია.

„ლელა საოცარი ადამიანია. თავმდაბლობა ამ ოჯახის მთავარი ნიშანია, ამ კადრებითაც მიხვდებით, რა მოწიწება აქვს მისი ძმის მიმართ” — ამბობს ოჯახის ახლობელი.