პოლიტიკა
ლავროვი: „საქართველოს ახლანდელი ხელისუფლება პრაგმატულია”
5 ივნისს რუსულ პროპაგანდისტულ მედია „Известия-სთან” ინტერვიუში რუსეთის საგარეო საქმეთა მინისტრმა სერგეი ლავროვმა „ქართული ოცნების” მთავრობა „პრაგმატულად” შეაფასა.
„საქართველოს ახლანდელი ხელისუფლება პრაგმატულია; ისინი ევროკავშირის მიმართ ერთგულებას კვლავ ადასტურებენ, თუმცა მათ ესმით, რომ ევროინტეგრაციის შემთხვევაში საქართველო აღარ იქნება საკუთარი სოფლის მეურნეობის პროდუქციით ცნობილი ქვეყანა,” — განაცხადა მან.
ლავროვმა ასევე აღნიშნა, რომ ევროკავშირში გაწევრიანება მოიცავს რუსეთის წინააღმდეგ სანქციების რეჟიმთან შეერთებასა და ევროკომისიის საგარეო პოლიტიკასთან თანხვედრას — ეს კი, მისი შეფასებით, გამოწვევას უქმნის საქართველო-რუსეთის ორმხრივ ურთიერთობებს.