ლატვიის პრემიერ-მინისტრი ევიკა სილინია გადადგა — 14 მაისს პარლამენტი მთავრობისადმი უნდობლობის კენჭისყრას გეგმავდა. სილინია „ერთობის” პარტიის წარმომადგენელია და 2023 წლის სექტემბრიდან ეკავა პრემიერის პოსტი.

კოალიციური კრიზისი მაისის დასაწყისში გამწვავდა. 7 მაისს, რუსეთის რადიოელექტრონული ომის საშუალებებით კურსაცდენილი უკრაინული დრონები ლატვიის საჰაერო სივრცეში შეჭრნენ — ერთ-ერთი ქ. რეზეკნეში, ნავთობის ბაზის ტერიტორიაზე ჩამოვარდა. სერიოზული ზიანი არ მიყენებია, მაგრამ სილინიამ ამ ინციდენტის გამო თავდაცვის მინისტრ ანდრის სპრუდსს გადადგომა მოსთხოვა. 11 მაისს სპრუდსის გადადგომის შემდეგ „პროგრესულების” პარტიამ პრემიერი ნდობის დაკარგვაში დაადანაშაულა.

ვითარება კიდევ უფრო გაამწვავა 14 მაისის ახალმა ფაქტმა: კორუფციასთან ბრძოლის ბიურომ სოფლის მეურნეობის მინისტრი, „მწვანეების და ფერმერთა კავშირის” წევრი არმანდს კრაუზე სახელმწიფო ტყეებით სარგებლობის სფეროში სავარაუდო დარღვევებში დაადო ბრალი.

ლატვიის პარლამენტის არჩევნებამდე 5 თვეა დარჩენილი. სილინიას კაბინეტის გადადგომის შემდეგ ახალი მთავრობა, რომელიც არჩევნებამდე იმუშავებს, კომპლექტდება.