ლაოს-ტაილანდის სამაშველო ჯგუფებმა ლაოსში, დატბორილ გამოქვაბულში 10 დღის განმავლობაში გამომწყვდეული 4 კაცი გამოიყვანეს. ოპერაციაში ჩაებნენ კოლეგები ინდონეზიიდან, მალაიზიიდან, საფრანგეთიდან და ავსტრალიიდან.

სოფლის მოსახლეები ძვირფასი მინერალების მოსაძებნად გამოქვაბულში შევიდნენ, მაგრამ მოულოდნელმა ღვარცოფმა გამოსასვლელი გზა ჩაუკეტა. ერთმა ადგილობრივმა დროულად მოასწრო თავის დაღწევა და ხელისუფლებას შიგნით დარჩენილი 7 ადამიანის შესახებ შეატყობინა.

ლაოსური ორგანიზაცია „Rescue Volunteer for People” ადასტურებს, რომ გამოქვაბულში წყლის დონე საკმარისად დაეცა გამოსაყვანად. ოპერაციის ვიდეოში ჩანს, როგორ გამოჰყავთ ტალახდამლეკილ მამაკაცებს — ზოგი გარეთ გამოსვლისას მიწაზე ეცა, სამაშველო ჯგუფები კი სიხარულისგან ატირდნენ. ყველა გადარჩენილს ჟანგბადის ნიღბები და თბოსამოსი ეცვა.

წინა დღეს კიდევ ერთი ადამიანი გამოიყვანეს. ორი დაკარგული მამაკაცის ძებნა კვლავ გრძელდება.