ლაგოდეხის მუნიციპალიტეტის სოფელ ვარდისუბანში პედაგოგ ქალს ცეცხლსასროლი იარაღით დაუჭრეს. შემთხვევა გუშინ ღამით, დაახლოებით შუაღამისას მოხდა.

ადგილობრივი მედიის — „მთავარი ამბები კახეთიდან” — ცნობით, უცნობმა პირმა ქალს საცხოვრებელ სახლთან დაიძახა. როდესაც გამოვიდა, ორჯერ გაისრო. ქალს თავისა და მუცლის არეში მიუყენეს ცეცხლსასროლი იარაღით დაზიანებები.

დაშინება პირველ ეტაპზე ლაგოდეხის კლინიკაში გადაიყვანეს, მდგომარეობის სიმძიმიდან გამომდინარე შემდეგ კი — თბილისში.

ადგილობრივების ინფორმაციით, სავარაუდო სამიზნე პედაგოგის შვილი — ახალგაზრდა მამაკაცი — შეიძლება ყოფილიყო, თუმცა შემთხვევის დროს ის სახლში არ იმყოფებოდა. სოფელ წოდნისკარში მცხოვრები ეჭვმიტანილი მამაკაცი გამოძიებამ უკვე დააკავა.