ხვიჩა კვარაცხელია უეფა-ს ჩემპიონთა ლიგის 2025/26 სეზონის საუკეთესო ფეხბურთელია — ეს გადაწყვეტილება კონტინენტის საფეხბურთო მმართველმა ორგანოს ოფიციალურად გამოაცხადა ბუდაპეშტში ფინალის შემდეგ.

პსჟ-მ ლონდონის „არსენალი” პენალტების სერიაში დაამარცხა, მას შემდეგ, რაც ძირითადი და დამატებითი დრო 1:1 ანგარიშით დასრულდა. ფინალში გადამწყვეტი მომენტი კვარაცხელიამ შექმნა — კრისტიან მოსკერამ ის დაამხო და პენალტი დაინიშნა, რომელიც უსმან დემბელემ გაიტანა, 1:1 გათანაბრებისას.

სეზონის სტატისტიკა შთამბეჭდავია: 16 მატჩი, 10 გოლი, 6 საგოლე გადაცემა. პლეი-ოფის ზედიზედ 7 შეხვედრაში საგოლე მოქმედება — ეს ჩემპიონთა ლიგის რეკორდია. „შეუდარებელმა ქართველმა ვინგერმა უდიდესი როლი ითამაშა პარიზელთა მიერ ზედიზედ მეორე ტიტულის მოგებაში,” — ნათქვამია უეფა-ს ოფიციალურ კომენტარში.

„ბაიერნთან” ნახევარფინალის პირველ მატჩში (5:4) კვარაცხელიამ გოლი გაიტანა ანგარიშის 1:1 გათანაბრებისას, შემდეგ კი მეორე პერიოდში ძლიერი დარტყმით დუბლი შეასრულა.

სეზონის სიმბოლური ნაკრები:

მეკარე: დავიდ რაია (არსენალი). მცველები: ნუნუ მენდეში (პსჟ), გაბრიელ მაგალიაეში (არსენალი), მარკინიოსი (პსჟ), მარკოს ლორენტე (ატლეტიკო). ნახევარმცველები: ხვიჩა კვარაცხელია (პსჟ), ვიტინია (პსჟ), დეკლან რაისი (არსენალი), მაიკლ ოლისე (ბაიერნი). თავდამსხმელები: ჰარი კეინი (ბაიერნი), უსმან დემბელე (პსჟ).

კვარაცხელიამ „პარი სენ-ჟერმენთან” ერთად ჩემპიონთა ლიგა ზედიზედ მეორედ მოიგო. სეზონის ტრაექტორიის გათვალისწინებით, ოქროს ბურთის კამათი სულ უფრო გახურდება.