Transfermarkt-მა ლიგა 1-ის ფეხბურთელთა სარეიტინგო ღირებულებები განაახლა. პსჟ-ს გარემარბის ხვიჩა კვარაცხელიას ფასი 50 მილიონი ევროთი გაიზარდა — ახლა 140 მილიონი ევრო.

Transfermarkt-ის საფრანგეთის რეგიონული მენეჯერი რონან კაროფი კვარაცხელიაზე: „შეუძლებელია უარვყოთ ის გავლენა, რომელიც ქართველმა ყველაზე დიდ არენებზე მოახდინა. ლიგა 1-ში მხოლოდ სამ სრულ მატჩში ჩართვის მიუხედავად, ჩემპიონთა ლიგაზე ბრწყინვალედ გამოჩნდა. ფინალისაკენ მიმავალ გზაზე 10 გოლი და 7 გადაცემა — ეს კილიან მბაპეს (15+1) და ჰარი კეინის (14+2) მაჩვენებელს აჭარბებს. ფინალში კვარაცხელიამ პენალტი გამოიმუშავა, რომელმაც პსჟ-ს ძირითად და დამატებით დროში ფრე მოუტანა.”

ლიგა 1-ის 5 ყველაზე გაძვირებული ფეხბურთელი:

1. ხვიჩა კვარაცხელია (პსჟ) — 140 მლნ (+50)
2. ვიტინია (პსჟ) — 140 მლნ (+30)
3. ჟოაო ნევეში (პსჟ) — 140 მლნ (+30)
4. დეზირე დუე (პსჟ) — 120 მლნ (+30)
5. უორენ ზაირ-ემერი (პსჟ) — 80 მლნ (+20)

ეს საქართველოს ნაკრებისა და პსჟ-ის გარემარბის საჩემპიონთალიგო ტრიუმფის შედეგია. ევროპული გრანდის ლიდერმა, 10 გოლის გარდა, ანგარიშზე 6 საგოლე გადაცემაც ჩაიწერა. ყველაზე ძვირადღირებული ქართველი მოთამაშეების ხუთეული ასე გამოიყურება:

1. ხვიჩა კვარაცხელია (პსჟ) - 140,00 მლნ ევრო
2. გიორგი მამარდაშვილი (ლივერპული) - 28,00
3. გიორგი მიქაუტაძე (ვილიარეალი) - 28,00
4. ზურიკო დავითაშვილი (სენტ ეტიენი) - 12,00
5. ოთარ კიტეიშვილი (შტურმი) - 5,50

საქართველოს ნაკრების მოთამაშეთა ჯამური ფასი 248.25 მილიონი ევრო გახდა. ცხადია, ეს ჩვენთვის რეკორდული მაჩვენებელია. „ჯვაროსნები” ყველაზე ძვირადღირებულ ნაკრებთა სიაში 29-ე ადგილზე დაწინაურდნენ:

1. საქართველო - 248,25 მლნ ევრო
2. რუსეთი - 242,20
3. პოლონეთი - 234,30
4. უნგრეთი - 214,00
5. კამერუნი - 206,70
6. კანადა - 203,05
7. შოტლანდია - 196,23
8. მექსიკა - 194,60
9. ჩეხეთი - 190,18
10. სერბეთი - 182,30
11. უელსი - 181,70

აღსანიშნავია, რომ მარტო კვარაცხელია უფრო ძვირად ფასობს, ვიდრე ქვემოთ ჩამოთვლილი, საკმაოდ პატივსაცემი და ანგარიშგასაწევი ეროვნული ნაკრებები:

1. ეგვიპტე - 134,68 მლნ ევრო
2. მალი - 116,55
3. სლოვაკეთი - 115,85
4. სლოვენია - 100,5
5. რუმინეთი - 99,60
6. ალბანეთი - 91,25
7. ისრაელი - 87,70
8. ისლანდია - 81,35
9. ჩრდ. ირლანდია - 79,90
10. ნიგერია - 64,45

აღსანიშნავია, რომ სწორედ ქართველის ახალი შეფასება გახდა ერთ-ერთი მიზეზი, რომლის შედეგადაც პსჟ მსოფლიოს ყველაზე ძვირადღირებული კლუბი გახდა:

1. პსჟ - 1,37 მლრდ ევრო
2. რეალი - 1,34
3. მანჩესტერ სიტი - 1,32
4. არსენალი - 1,23
5. ბარსელონა - 1,17

ამავე დროს, ხვიჩა მსოფლიოს ყველაზე ძვირადღირებულ მოთამაშეთა ათეულში დაწინაურდა და მე-7-10 ადგილებს იყოფს სამ მოთამაშესთან ერთად:

1. ლამინ იამალი (ბარსელონა) - 200,00 მლნ ევრო
2. ერლინგ ჰალანდი (მანჩესტერ სიტი) - 200,00
3. კილიან მბაპე (რეალი) - 200,00
4. პედრი (ბარსელონა) - 150,00
5. მაიკლ ოლისე (ბაიერნი) - 150,00
6. ვინისიუსი (რეალი) - 150,00 7-10. ხვიჩა კვარაცხელია (პსჟ) - 140,00 7-10. ჟოაო ნევეში (პსჟ) - 140,00 7-10. ჯუდ ბელინგემი (რეალი) - 140,00 7-10. ვიტინია (პსჟ) - 140,00

შეგახსენებთ, უეფამ კვარაცხელია ჩემპიონთა ლიგის 2025/26 სეზონის საუკეთესო ფეხბურთელად დაასახელა.