ხვიჩა კვარაცხელიამ PSG-ს გამარჯვება და საფრანგეთის ჩემპიონის ტიტული მოიტანა. ლიგა 1-ის 29-ე ტურის გადადებულ მატჩში პარიზელებმა ლანსი 2:0-ით დაამარცხეს გასვლაზე — კვარაცხელიამ 29-ე წუთზე გაიტანა, მბაიემ კომპენსირებულ დროში (90+4’) დაასრულა.

პირველ ტაიმში ინიციატივა ლანსს ეკუთვნოდა, მაგრამ PSG-ს მეკარე საფონოვი სათანადო სიმაღლეზე იყო. კვარაცხელიამ ანგარიში გახსნა დემბელეს პასით. მეორე ტაიმში PSG-ს მწვრთნელმა ლუის ენრიკემ ბარკოლა ვიტინიათი შეცვალა, ლანსმა ორი დარტყმა ძელს გაარტყა, მაგრამ ანგარიში ვეღარ გაათანაბრა. კვარაცხელია 72-ე წუთზე შეიცვალა.

ამ სეზონში ყველა ტურნირზე 46 შეხვედრაში კვარაცხელიას 19 გოლი და 10 საგოლე გადაცემა აქვს. PSG 17 მაისს ლიგის ბოლო ტურში პარიზს მასპინძლობს.