„ლე პარიზიენში” ცნობილი ფრანგი ჟურნალისტი დომინიკ სევერაკი განმარტავს, რა შემთხვევაში შეიძლება ხვიჩა კვარაცხელიამ „ოქროს ბურთი” მოიპოვოს.

სევერაკის შეფასებით, კვარაცხელიასთვის ყველაზე დიდი დაბრკოლება საქართველოს ნაკრების არყოფნაა მსოფლიო ჩემპიონატზე: „ხვიჩა კვარაცხელია ჯილდოს პოტენციური მფლობელია… მუნდიალი მის ყველა მიღწევას ხაზს გადაუსვამს? ჩემპიონთა ლიგის ყველაზე დომინანტურ ფეხბურთელს, რომელიც მსოფლიო ჩემპიონატზე ვერ ითამაშებს, ინდივიდუალური ტიტულის მოპოვების იმედი მაინც შეუძლია ჰქონდეს — ამ შემთხვევაში, თუ PSJ შაბათს ფინალში „არსენალს” დაამარცხებს.”

ჟურნალისტი განმარტავს, რა სცენარია საჭირო: ამ ეტაპზე „კვარა” „ოქროს ბურთის” პრეტენდენტთა ჰიპოთეტურ რეიტინგს სათავეში უდგას, ვინაიდან ჩემპიონთა ლიგაში საგოლე მოქმედებებით ევროპაში წამყვანია. „ოქროს ბურთის” მოსაპოვებლად კი ორი პირობა უნდა დაემთხვეს: PSJ-მ ზედიზედ მეორედ უნდა მოიგოს ჩემპიონთა ლიგა, და ამასთანავე, მსოფლიო ჩემპიონატი ბელგიამ, შვეიცარიამ, მექსიკამ ან თურქეთმა — ვინმემ, ვისი ნაკრების ვარსკვლავი „კვარაზე” ძლიერ კანდიდატად ვერ ჩაითვლება — უნდა მოიგოს. ეს „ნაკლებად სავარაუდო სცენარია”, — ამბობს სევერაკი, — „მაგრამ სწორედ მის შემთხვევაში ხვიჩა „ოქროს ბურთის” მფლობელი გახდება.”