PSG-ის ფრანგ ჩემპიონთა ლიგაში გამარჯვების შემდეგ, UEFA-ს ოფიციალური ვებგვერდი ხვიჩა კვარაცხელიას ქართველი გულშემატკივრების მხარდაჭერასა და ქვეყნის მიმართ სიყვარულზე ეკითხება. ვარსკვლავის პასუხი — პირდაპირი და გულწრფელი.

„ქართველი ხალხისგან ძალიან დიდ სიყვარულს ვგრძნობ. იმდენმა ადამიანმა მომილოცა წარმატება, რომ ძალიან ბედნიერი ვიყავი. არიან ისეთებიც, რომლებიც ფეხბურთს საერთოდ არ უყურებდნენ — ამ გამარჯვებამ მათაც გაახარა.

ყველაფერს გავაკეთებ, რომ ქართველ გულშემატკივარს ბედნიერება კიდევ ერთხელ მოვუტანო,” — თქვა კვარაცხელიამ.

ქართველობასა და ეროვნულ იდენტობაზე საუბრისას კი კვარაცხელიამ ფილოსოფიური განმარტება მოიტანა:

„ჩვენ ძალიან პატარა ქვეყანა ვართ, მაგრამ ყოველთვის ვიბრძვით. ერთად ძალიან ძლიერები ვართ. ვიცით, როგორ ვიბრძოლოთ ერთმანეთისთვის და ვიცით, როგორ მივიღოთ სტუმრები.

ძალიან ვამაყობ, რომ ქართველი ვარ — ჩვენი მენტალიტეტია ბრძოლა. საქართველოში ქუჩაში გასვლა ადვილი არ არის, რადგან ფეხბურთი ძალიან უყვართ. მე კი ძალიან მიყვარს სამშობლოში დაბრუნება. ვცდილობ, ყოველ ჯერზე, რაც საშუალება მეძლევა, საქართველოში ვიყო.”