პარი სენ-ჟერმენმა ჩემპიონთა ლიგის ფინალში ლონდონის „არსენალი” პენალტების სერიაში დაამარცხა. ხვიჩა კვარაცხელია ზედიზედ მეორედ ხდება ევროპის საფეხბურთო საჩემპიონო ლიგის გამარჯვებული.

მატჩის პირველ ტაიმში „არსენალი” 1:0-ს იგებდა. მეორე ტაიმში ხვიჩამ ინდივიდუალური ოსტატობით პენალტი გამოიმუშავა — უსმან დემბელემ 11-მეტრიანი ზუსტად შეასრულა და ანგარიში გათანაბრდა. ძირითადი და დამატებითი დრო ანგარიშ 1:1-ით დასრულდა, ხოლო პენალტების სერიაში გაიმარჯვეს პარიზელებმა.

„დღეს რაც მოხდა, ამის წარმოდგენა ჩემთვის ძალიან შორს იყო — პირველი ხომ შორს იყო და მეორე თითქმის წარმოუდგენელი. მივხვდი, რომ ადამიანს თუ მიზანი აქვს, ყველაფრის გაკეთება შეუძლია,” — განაცხადა ხვიჩამ ფინალის შემდეგ.

ქართველი ვარსკვლავი ასევე ემოციურად ისაუბრა ეროვნული ნაკრების თანამოთამაშეებზე: „ნაკრების ფეხბურთელების ემოციები? — ვიდეო ვნახე და მოხარული ვარ, რომ მათი თანაგუნდელი ვარ. ჩვენ ერთი დიდი ოჯახი ვართ.”

სოციალურ მედიაში გულშემატკივრების რეაქცია ქართველ ფეხბურთელს ოქროს ბურთს ეხება. „კვარადონა — პსჟ-ს ვარსკვლავი სჭირდებოდა და ის აქ არის, პსჟ-ს ლიდერი სჭირდებოდა და ის აქ არის. მიეცით ოქროს ბურთი,” — წერდნენ ფანები. ცნობილი იტალიელი ჟურნალისტი ფაბრიციო რომანოც ხვიჩასთვის ოქროს ბურთის გადაცემას გულშემატკივრობს: „ჩემი ოცნებაა, რომ ოქროს ბურთი ხვიჩა კვარაცხელიას მისცენ.”