1924, 1956, 1978, 1989 — ამ წლებს ერთი საერთო ნიშანი აქვს: პროტესტი, წინააღმდეგობა, ბრძოლა საქართველოს დამოუკიდებლობისთვის.

ვიდეო სიუჟეტი ეხება „პროტესტის გეოგრაფიას” — თბილისის ქუჩებს, სადაც ოფიციალური ისტორია დახშული იყო, ხოლო ქუჩა გახდა ცოცხალი, ალტერნატიული არქივი. რატომ ირჩევდნენ სხვადასხვა ეპოქის დემონსტრანტები სწორედ რუსთაველის გამზირს, სახელმწიფო უნივერსიტეტს, ტელევიზიის შენობას, დედაენის ბაღს? — ის ადგილები, სადაც სხვადასხვა თაობა სხვადასხვა დროს ერთი და იმავე მოთხოვნით — თავისუფლებისა და დამოუკიდებლობისთვის — იკრიბებოდა.

და რატომ მეორდება ეს ბრძოლა ათწლეულების შემდეგაც.