შინაგან საქმეთა სამინისტრომ განაცხადა, რომ ქუთაისში განზრახ მკვლელობის მცდელობის ბრალდებით ადრე ნასამართლევი პირი დააკავეს. სამინისტროს ცნობით, ბრალდებულმა ჩხუბის შედეგად ცივი იარაღი გამოიყენა — კაცს გულმკერდის არეში დაზიანება მიაყენა და ადგილიდან გაიმალა. დაჭრილი სამედიცინო დახმარებისთვის კლინიკაში გადაიყვანეს.

ჩატარებული საგამოძიებო მოქმედებების შედეგად, ეჭვმიტანილი ბრალდებულის სახით ცხელ კვალზე დააკავეს. გამოძიება სისხლის სამართლის კოდექსის 19-108-ე მუხლით — განზრახ მკვლელობის მცდელობა — მიმდინარეობს, რაც 15 წლამდე პატიმრობას ითვალისწინებს.