უკრაინის პრეზიდენტ ვოლოდიმირ ზელენსკის ღია წერილის გამოქვეყნების შემდეგ, რუსეთის პრეზიდენტის პრესმდივანმა დმიტრი პესკოვმა 4 ივნისს ღამით ჟურნალისტებს განუცხადა, რომ თავად წერილს გაეცნო, პუტინს კი ამის შესაძლებლობა ჯერ არ ჰქონია — სამუშაო გრაფიკის გამო.

პუტინი სანქტ-პეტერბურგში საერთაშორისო ეკონომიკურ ფორუმს ესწრება; 4 ივნისს ის შეხვდა უზბეკეთის პრეზიდენტსაც. კრემლის პრესმდივანმა ადრინდელი პოზიცია გაიმეორა: „ზელენსკის შეუძლია ნებისმიერ მომენტში მოსკოვში ჩამოვიდეს.” მსგავს პასუხებს კრემლი ზელენსკის ყოველ სამშვიდობო სიგნალზე ამ გზით პასუხობდა.

ზელენსკის წერილი

ზელენსკის ღია წერილი, 4 ივნისს გამოქვეყნებული, პუტინს უკრაინის წინააღმდეგ ომს მის „პირად არჩევანად” უხსნის, რომელსაც, მისი შეფასებით, „რეალური მიზეზები არ გააჩნია.”

ზელენსკი ასაბუთებს, რომ რუსებს ომი აღარ უნდათ — დაღლილნი არიან დრონებისა და რაკეტებისგან, ბენზინის ნაკლებობისა და ფასების ზრდისგან, ახალი მობილიზაციის მუქარისა და ომის უსასრულობისგან. ის მიიჩნევს, რომ პუტინს ლოიალობის „ყიდვის” რესურსი შემცირდა და ვარაუდობს, რომ მისი პოლიტიკური ძალაც ილევა.

წერილში ზელენსკი ომის დასრულებას სთავაზობს: „ნუ შეგეშინდება ომიდან გამოსვლის.” სამშვიდობო მოლაპარაკებების პოტენციურ ადგილებად ასახელებს შვეიცარიას, თურქეთს და არაბულ ქვეყნებს.

კრემლის მუდმივ შეთავაზებაზე — „მოდი მოსკოვში” — ზელენსკი პასუხობს, რომ პუტინის 26-წლიანი მმართველობის ფონზე, „უკრაინის ლიდერს მოსკოვში არაფერი ესაქმება, ისევე, როგორც რუსეთის ლიდერს — კიევში.”