კოსოვოს 7 ივნისის ვადამდელ არჩევნებში — ერთ წელზე ცოტა მეტ დროში მესამეში — პრემიერმინისტრ ალბინ კურტის პარტიამ „ვეტევენდოსჯემ” ხმების თითქმის 43% მოიპოვა. ამომრჩეველთა აქტივობა დაბალი აღმოჩნდა.

კურტის შედეგი ერთპიროვნული მმართველობისთვის არ კმარა. ოპოზიციური კოსოვოს დემოკრატიული პარტია (PDK) 21%, კოსოვოს დემოკრატიული ლიგა (LDK) კი 17% დასჯერდა. კოალიციის ფორმირებისთვის რთული მოლაპარაკებები ელის.

დეკემბრის წინა არჩევნებთან შედარებით „ვეტევენდოსჯეს” შედეგი გაუარესდა — მაშინ 51% ჰქონდა.

კოსოვო სერბეთის ყოფილი ავტონომიური პროვინციაა, რომელმაც 2008 წელს ცალმხრივად გამოაცხადა დამოუკიდებლობა. მას ათეულობით ქვეყანა აღიარებს, მაგრამ გაეროს უშიშროების საბჭოს ორი მუდმივი წევრი — რუსეთი და ჩინეთი — არა. საქართველოც კოსოვოს დამოუკიდებლობას არ აღიარებს.