ფინანსთა სამინისტროს საგამოძიებო სამსახურმა კორუფციულ ფაქტებთან დაკავშირებით სამი პირი დააკავა — მათ შორის ორი მუნიციპალიტეტის მერიის წარმომადგენელი.

ადიგენის მუნიციპალიტეტში ზანავის ადმინისტრაციული ერთეულის მერიის წარმომადგენელი 10 000 აშშ დოლარის ქრთამის გამო დაიჭირეს. გამოძიებით დადგინდა, რომ საჯარო მოხელემ სახელმწიფო მიწაზე საკემპინგე სივრცის მოწყობაში მფარველობის სანაცვლოდ ეს თანხა მოითხოვა და შუამავლის მეშვეობით აიღო. ამ ეპიზოდში შუამავლობისთვის ერთი მოქალაქეც დააკავეს.

წალკის მუნიციპალიტეტში სამების ადმინისტრაციული ერთეულის მერის წარმომადგენელი ქრთამის გამო ჩაიკეტა: ბრალდებული 20 ტონა კარტოფილის ადგილწარმოშობის ყალბი დოკუმენტების გამოწერის სანაცვლოდ 1 000 ლარს ღებულობდა. ის დანაშაულის ჩადენის მომენტში დააკავეს.

ადიგენის საქმეში სასჯელი 7-დან 11 წლამდე პატიმრობაა; წალკის შემთხვევაში — 6-დან 9 წლამდე.