აშშ-ის კონგრესის წარმომადგენელთა პალატამ ოთხშაბათს მიიღო რეზოლუცია, რომელიც ირანთან კონფლიქტში პრეზიდენტ დონალდ ტრამპის სამხედრო უფლებამოსილებებს ზღუდავს. CNN-ის შეფასებით, ეს კონგრესის სერიოზული კრიტიკაა ტრამპის ქმედებების მიმართ.

კენჭისყრაში „დიახ” — 215, „არა” — 208. „დიახ”-ს ოთხი რესპუბლიკელიც შეუერთდა.

დემოკრატიული პარტია ბოლო კვირებში, წარმომადგენელთა პალატასა და სენატში, რამდენჯერმე შეეცადა ასეთი კენჭისყრის გამართვას. მიმომხილველები ამბობენ, რომ ეს კამპანია ძალას იკრებს და რესპუბლიკური კოალიციის შიგნითაც ეხმიანება.

მიღებული რეზოლუცია კონგრესის ორივე პალატამ უნდა დაამტკიცოს, თუმცა ის პრეზიდენტს ხელმოსაწერად არ გადაეგზავნება.

„ამჟამად პრეზიდენტი სამშვიდობო შეთანხმების მიღწევის პროცესშია — ჩვენ მას ამისთვის მოქმედების თავისუფლება უნდა მივანიჭოთ. ვფიქრობ, ომთან მიმართებაში უფლებამოსილებების შეზღუდვის შესახებ რეზოლუციის მიღება უკიდურესად შეუფერებელ დროს ხდება — ის ქვეყნისთვის ძალიან ნეგატიური და სახიფათოა,” — განაცხადა სპიკერმა მაიკ ჯონსონმა.