„არქიმ”-მა — საქართველოს წამყვანმა დეველოპერმა — და საერთაშორისო კომპანია NEXT-მა ქობულეთში ოფიციალურად წარადგინეს 300 მილიონი აშშ დოლარის პრემიუმ-კლასის სასტუმრო-რეზიდენციური პროექტი Swissôtel Kobuleti Beach Resort.

პრეზენტაცია ყოფილი ინტურისტის ტერიტორიაზე გაიმართა და მაღალი რანგის სახელმწიფო პირები, საერთაშორისო პარტნიორები და ბიზნესსექტორის წარმომადგენლები ესწრებოდნენ. ცერემონიაზე პრემიერ-მინისტრმა ირაკლი კობახიძემ, ეკონომიკის მინისტრმა მარიამ ქვრივიშვილმა და აჭარის ავტონომიური რესპუბლიკის მთავრობის თავმჯდომარე ზურაბ პატარაძემ მიიღო მონაწილეობა.

კომპლექსი Swissôtel-თან თანამშრომლობით შენდება. სამ მონუმენტურ შენობაში გაერთიანდება სასტუმრო, საცხოვრებელი და საინვესტიციო აპარტამენტები, ექვსი ბრენდული რესტორანი, კაზინო, 3 000 კვ.მ-ის სპა-ცენტრი და სხვა ინფრასტრუქტურა.

მშენებლობის დაწყების სიმბოლური ნიშნად, ცერემონიაზე კაფსულა ჩადეს.

პროექტის ავტორი Chapman Taylor-ის მადრიდის სტუდიის დირექტორი იან დაიკემა, ხოლო ოპერატორი Accor-ის წარმომადგენელი არონ ლიბინსონი ესწრებოდნენ.