„ჩვენ გვქონდა ერთი საუბარი უკრაინის პრეზიდენტთან — მათ შორის, ზოგადად ურთიერთობების გადატვირთვის მნიშვნელობაზე. დანარჩენი, რა თქმა უნდა, პრაქტიკულ ნაბიჯებზეა დამოკიდებული,” — ასე განუმარტა ჟურნალისტებს პრემიერ-მინისტრმა ირაკლი კობახიძემ.

კობახიძემ ჩამოთვალა ის ნაბიჯები, რომლებმაც ხელისუფლებათშორისი ურთიერთობები გააუარესა: ქართული ელჩის გაწვევა, სანქციების დაწესება და მოწოდებები მეორე ფრონტის გასახსნელად.

„თქვენ იცით, რომ იყო კონკრეტული ნაბიჯები, რამაც გააუარესა ურთიერთობები ხელისუფლებებს შორის. ეს ვერ დაეტყობა ქვეყნებსა თუ ხალხებს შორის ურთიერთობას, რომელსაც მყარი ისტორიული საფუძველი აქვს — მაგრამ ხელისუფლებათა დონეზე ეს ნაბიჯები გამძაფრებას იწვევდა.

ელჩი ჩვენი ქვეყნიდან გაიწვიეს იმის გამო, რომ არ დავაწესეთ სანქციები და მთავრობის ოფიციალური თანხმობით უკრაინაში მებრძოლი მოხალისეები არ გავაგზავნეთ. ამის შემდეგ მოჰყვა უკრაინის მაღალჩინოსნების მოწოდებები მეორე ფრონტის გახსნაზე. ეს, რა თქმა უნდა, უმძიმესი ნაბიჯები იყო.

თუ იქნება ინტერესი, ყველანაირად მზად ვართ ურთიერთობები გადავტვირთოთ,” — განაცხადა პრემიერმა.