პრემიერ-მინისტრი ირაკლი კობახიძე ამერიკის კონგრესმენ ჯო უილსონს „აბსოლუტურად არასერიოზულ კაცად” ახასიათებს. ეს განცხადება მოვიდა იმ ფონზე, რომ აშშ-ის წარმომადგენელთა პალატამ ორპარტიული მხარდაჭერით დაამტკიცა კანონპროექტი, რომელიც ადმინისტრაციას ავალდებულებს, მოამზადოს ანგარიში საქართველოში ჩინეთისა და რუსეთის გავლენის შესახებ.

„ჯო უილსონი კაცია, რომელიც საქართველოს ხელისუფლებას „პროირანულს” და „პროჩინურს” უწოდებს. შეიძლება ამ კაცს ვინმე სერიოზულად მიიჩნიოს? ხვალ გამოვა და იტყვის — პროკამბოჯური ხელისუფლება ვართ,” — განაცხადა კობახიძემ.

ამავდროულად, პრემიერ-მინისტრი ამბობს, რომ საქართველო ტრამპის ადმინისტრაციასთან, სახელმწიფო დეპარტამენტთან კომუნიკაციას აგრძელებს და „ოპტიმიზმს” ინარჩუნებს სტრატეგიული პარტნიორობის განახლებასთან დაკავშირებით. „გვაქვს კონკრეტული საუბრები, გვაქვს იმედი, რომ ეს საუბრები შედეგს მოიტანს,” — თქვა კობახიძემ.