პრემიერ-მინისტრმა ირაკლი კობახიძემ მთავრობის ადმინისტრაციაში გამართულ პრესკონფერენციაზე განაცხადა, რომ ბოლო ერთი წლის სტატისტიკა ცხადყოფს: გაზრდილ ჯარიმებსა და საგზაო მოძრაობის წესების დარღვევის სიხშირეს შორის პირდაპირი კავშირი არ არის.
„გასული 1 წლის მონაცემებს დავაკვირდით და ვნახეთ, რომ პირდაპირი კორელაცია გაზრდილ ჯარიმებსა და შემცირებულ სტატისტიკას შორის, სამწუხაროდ, არ არის. აქედან გამომდინარე, იმის გათვალისწინებით, რომ ჯარიმები ტვირთად აწვება მოსახლეობას, შეგვიძლია განვიხილოთ ვერსია — პარლამენტთან ერთად — ჯარიმების შემცირებასთან დაკავშირებით,” — განაცხადა კობახიძემ.