ევროპარლამენტმა სამთავრობო ტელეკომპანია „იმედს” ევროპარლამენტში საქმიანობა ერთი წლით შეუჩერა. ამასთანავე, მოლდოვამ „იმედს”, „რუსთავი 2”-სა და „პოსტივს” ევროპის საბჭოს მინისტრთა კომიტეტის სხდომის გასაშუქებლად აკრედიტაცია გაუუქმა.

პრემიერ-მინისტრი ირაკლი კობახიძე ჟურნალისტებს ამ ფაქტებზე ასე გამოეხმაურა: „ევროპული სტრუქტურები სრულად კარგავენ სახეს. მათთვის მედიის თავისუფლება არაფრად ღირს. ის, რაც ბრიტანეთმა დაიწყო, ევროპარლამენტმა გააგრძელა — ეს სამარცხვინოა და სტანდარტებში არ ჯდება. ევროპარლამენტი უკვე საბჭოთა კავშირის უზენაეს საბჭოს დაემსგავსა.”

მოლდოვის მისამართით კი კობახიძემ განაცხადა: „მოლდოვაში მედიის თავისუფლება დიდი ხანია ფეხქვეშ არის — იქ მხოლოდ ორი სახელმწიფო ტელევიზია ფუნქციონირებს. ეს ქვეყანა ახლა ქართულ თავისუფალ მედიასაც ესხმის თავს. ლოგიკური მოვლენათა ჯაჭვია.”

კობახიძემ ევროპელ პოლიტიკოსებსაც გაუსწორა: „ასეთი ინიციატივებით გამომდინარე კონკრეტულ ევროპელ პოლიტიკოსებს, სამწუხაროდ, საეჭვო რეპუტაცია და საეჭვო წარსული ახასიათებთ — ამ ფონზე გასაოცარი არაფერია.”