მსახიობ ზურა ყიფშიძის ოჯახი გუდიაშვილის ქუჩის ბინას კარგავს. ლენუკა ყიფშიძის სოციალური ქსელის პოსტმა ფართო საზოგადოებრივი გამოხმაურება გამოიწვია: ოჯახის კუთვნილი ბინა სასამართლო აუქციონზე გაიყიდა.

ყიფშიძემ „ამბებს” საქმის დეტალები გაუმხილა:

„ეს ბინა ჩემი სიმამრის დანატოვარია — გუდიაშვილის ქუჩაზე, სადაც გუდიაშვილი ცხოვრობდა. ჩემი ცოლისა და მისი დის ქონება იყო. ორმა კაცმა — ერთი ლენუკას ნაცნობი იყო — „დახმარების” პირობით ბინა ბანკში ჩადეს. ნახევარი გადაიხადეს, ერთ-ერთმა თავი მოიკლა და ასე წავიდა საქმე.”

„ვიღაც ჰოლანდიელი მილიარდერი, ეტყობა, ჩასაფრებული იყო — 300 ათასი ევრო ღირებული ბინა 300 ათასი ლარით ჩაიგდო ხელში. ახლა ის ბინა ჰაერში გამოკიდებულია: ვეც ჩვენ შეგვიძლია შეს­ვლა და ვეც ჰოლანდიელი შედის.”

ყიფშიძის განმარტებით, ბანკსაც მიმართეს და მთავრობასაც — „ვის არ მივმართეთ, ჯერჯერობით შედეგი არ არის.”

„ეს რომ გაირკვა, ჰოლანდიელი კიდევ უფრო განაწყენდა — „ეს ვიღაც ცნობილი კაციაო” და ასეთ სიტყვებს ამბობდა,” — ამბობს ყიფშიძე.

ლენუკა ყიფშიძემ პოსტში წერდა: „ვისთვისაც ეს შეიძლება კარგი ადგილი და კარგი შენაძე­ნი ყოფილიყო, ჩვენთვის იყო მთელი ცხოვრება. მამა ადამიანობას ითხოვდა — არა პრივილე­გიებს. ნუთუ ზურა ყიფშიძე არ იმსახურებდა, რომ მისთვის ერთხელ მაინც მოეს­მინათ?”