ქუთაისის აეროპორტიდან ბუდაპეშტში გამგზავრებულ ქართველ თაყვანისმცემლებს შორის ადვილი ამოსაცნობი იყო ხვიჩა კვარაცხელიას მამა — ბადრი კვარაცხელია — და ლეგენდარული ფეხბურთელი გიორგი ქინქლაძე. lelo.ge-ს კორესპონდენტმა მამუკა კვარაცხელიამ ქინქლაძეს ჩემპიონთა ლიგის ფინალის წინ ბუდაპეშტში ესაუბრა.

„არსენალი”: ორგანიზებული, მაგრამ ნელი

„„არსენალი”, ალბათ, ინგლისში ყველაზე არაბრიტანული სტილის მიმდევარი გუნდია — პრემიერლიგის სხვა გუნდებთან შედარებით გაცილებით ევროპულ ფეხბურთს თამაშობს. არტეტას სტილი მკაცრ ორგანიზაციაზეა დაფუძნებული. ბევრს ეს არ მოსწონს, მაგრამ ფაქტია: „არსენალის” დამარცხება ურთულეს საქმეა,” — განაცხადა ქინქლაძემ.

ლონდონელებს კვალიფიციური და ინტელექტუალური დაცვის ხაზი ჰყავთ, გამორჩეული ურთიერთგადაზღვევის სისტემით. „თუმცა ერთი სისუსტე მაინც შეიმჩნევა — დღევანდელი ფეხბურთის გადმოსახედიდან ისინი შედარებით ნელები არიან. სწორედ ეს შეიძლება პარიზელთა გამარჯვების გასაღები გახდეს.”

კვარაცხელიას ფაქტორი

„„არსენალის” დაცვა ვერ შეძლებს სრულად ალღო აუღოს „პსჟ”-ის უსწრაფეს შემტევებს — მათ შორის, რა თქმა უნდა, ხვიჩა კვარაცხელიას. სწორედ ამ ფაქტორმა შეიძლება გადამწყვეტი როლი ითამაშოს საბოლოო შედეგზე,” — დასძინა ქინქლაძემ.

მამუკა კვარაცხელია — სპეციალურად lelo.ge-სთვის, ბუდაპეშტიდან