თბილისის ერთ-ერთ კერძო საბავშვო ბაღში კამერებმა ჩაწერა, თუ როგორ ძალადობდა ფიზიკურად აღმზრდელი მცირეწლოვანზე. პროკურატურამ დაკავებულს ბრალდება წარუდგინა საქართველოს სისხლის სამართლის კოდექსის 126-ე მუხლის 1ˢ ნაწილის „ა” ქვეპუნქტით — ცემა ან სხვაგვარი ძალადობა არასრულწლოვნის მიმართ. სასჯელი ორ წლამდე თავისუფლების აღკვეთას ითვალისწინებს.

ბავშვის ბებია ambebi.ge-სთან განმარტავს, რომ კამერების ჩანაწერებში ექვსი შემთხვევაა დაფიქსირებული — ყოველ ჯერზე ბავშვს ნაკაწრი ჰქონდა. ბებიას თქმით, ოჯახი კამერების ჩანაწერებს მრავალჯერ ითხოვდა, მაგრამ ბაღის ადმინისტრაცია არ გასცემდა.

„ბოლო ორი თვე ბავშვი ძალიან გაღიზიანებული იყო, ქცევაც შეეცვალა,” — ამბობს ბებია. მისი შეფასებით, ბაღის დირექტორი ანი ჯოლბორდი „თანაბარი დამნაშავეა”. „ჩვენ ბოლომდე ვაპირებთ ამ საქმეს მივყვეთ.”

დაკავებული ბრალს ნაწილობრივ აღიარებს, სავარაუდოდ, იმ ფაქტებს, რომლებიც კამერებმა დააფიქსირა. გამოძიება გრძელდება.