17 მაისს საბერძნეთის სუპერლიგის ბოლო ტურის ყველაზე მნიშვნელოვანი მატჩი — ათენის „პანათინაიკოსი” და სალონიკის PAOK — ქართველი მსაჯების ხელმძღვანელობით ჩატარდება.

საქართველოს ფეხბურთის ფედერაციამ ბერძენი კოლეგების თხოვნის საფუძველზე მატჩზე FIFA-ს არბიტრი გოგა კიკაჩეიშვილი მიავლინა. ასისტენტებად დავით ახვლედიანი და დავით გაბისონია მუშაობენ; ვიდეომსაჯი ალეკო აფციაური, მისი ასისტენტი — ბაკური ნინუა.